Fin uss han pir bun la mesadad da tuts ils 140 stans da sajettar Grischuns fatg ina sanaziun. Quella è tenor la Confederaziun dentant urgenta. Tar tut ils stans da sajettar senza tschiffaballas artifizialas, contaminescha la muniziun il terren cun ils metals grevs toxics plum ed antimon. Perquai sto la terra contaminada davent.
A Rona han ins uss cumenzà a sanar il stan da sajettar. Uschia èn ils da Rona anc ad uras. Enfin la fin dal 2020 paja da Confederaziun anc 40% dals custs da sanaziun per stans da sajettar. Suenter n'è quai betg pli pussaivel.
TR Telesguard 17:40