La radunanza generala a Landquart ha reelegì tut ils commembers dal cussegl d'administraziun cun gronda maioritad. Da nov consista il cussegl dentant dad 8 enstagl da 12 commembers.
Questa decisiun e succedida tenor indicaziun da la Repower sin giavisch dals acziunaris principals. 4 cussegliers administrativs damain signifitga in respargn da pajaments da onurari da 150’000 francs ad onn.
Deficit per Repower - nagina dividenda pels acziunaris
Sco tut ils auters concerns d’energia patescha era la Repower dals pretschs d’energia bass. Quests temps difficils sa mussan en la bilantscha cun in deficit da 136 milliuns per l’onn 2015. Pervi da quest resultat nausch desista la Repower era quest onn da pajar ora ina dividenda.
Gea al midament dad aczias nominala e scrits da partecipaziun
Las aczias dal producent d’energia na vegnan dapli l’avrigl betg pli martgentadas a la bursa svizra SIX Swiss Exchange, ma ordaifer la bursa a la plattafurma OTC-X da la Banca chantunala da Berna. La radunanza generala cun 140 acziunarias ed acziunaris ha ditg gea al midament da las aczias nominalas ed ils scrits da partecipaziun.
RR novitads 14:00
Ils 8 commembers dal cussegl redimensiunà èn:
- Dr. Eduard Rikli
- Dr. Manfred Thumann
- Dr. Martin Schmid
- Dr. Rudolf Huber
- Placi Berther
- Claudio Lardi
- Rolf W. Mathis
- Gerhard Jochum
Na pli sa mess a disposiziun sa han Roger Vetsch, Dr. Myriam Meyer Stutz, Domenico De Luca e Peter Molinari.
