Siglir tar il cuntegn

Grischun Repower ha ina nova presidenta dal cussegl d'administraziun

A la radunanza generala da l'interpresa han ils acziunaris elegì a Monika Krüsi en quest uffizi.

Legende: Video Repower: Monika Krüsi nova presidenta dal cussegl d'administraziun abspielen. Laufzeit 2:47 Minuten.
Or da Telesguard dals 16.05.2018.

Monika Krüsi surpiglia quest post da Pierin Vincenz, l'anteriur schef da la Raiffeisen, che sesa per il mument a Turitg en arrest d'inquisiziun. Era elegì da nov en il cussegl d'administraziun è Hansueli Sallenbach da l'Axpo Holding AG, el remplazza Rolf Mathis.

Monika Krüsi

Monika Krüsi

Presidenta dal cussegl d'administraziun da la Repower

Personen-Box aufklappenPersonen-Box zuklappen

Monika Krüsi (*1962) ha studegià economia da manaschi a Turitg ed ha promovì en informatica d’economia tar il tema Business Process Reengineering. Ella è en differents cussegls d’administraziun – uschia tar la firma da cussegliaziun MKP Consulting SA, nua ch’ella è er partenaria.

Plinavant ha la radunanza generala approvà il rapport annual, il quint annual sco er il quint da concern 2017. Perquai che la Repower spetga vinavant in onn pretensius, desista la radunanza generala da pajar ora ina dividenda.

RR novitads 14:00