Siglir tar il cuntegn

Header

cuntegn

Grischun Repower: Bun resultat grazia a l'affar en l’Italia

Cun in gudogn dad in milliun francs serra l'interpresa d'electricitad grischuna Repower il prim semester dal 2017.

L’interpresa d’electricitad Repower serra l’emprim semester dal 2017 cun in gudogn d'in milliun francs. Surtut l'affar en l’Italia cun las cundiziuns da basa favuraivlas hajan contribuì a quest resultat, communitgescha la Repower. Cun 794 milliuns agen chapital è la quota d'agen chapital tar 47%. Pervia da l’auzament da l'agen chapital l’onn 2016 è la quota uss 12% pli auta che l’onn avant. Tenor il CEO da la Repower, Kurt Bobst, è il resultat da l’emprim mez onn cuntentaivel.

Tenor communicaziun a las medias ha la Repower il prim mez onn sa concentrà surtut sin il svilup e la preparaziun per introducir sistems innovativs e servetschs per nizzegiar l'energia a moda pli effizienta. Ins haja cuntanschì uschia ulteriurs terms impurtants en la realisaziun da la strategia d'interpresa.

Perquai che la Repower ha franà investiziuns, è il dumber d’emploiads sa reducì sin actualmain 569 collavuraturs e collavuraturas. Latiers vegnan 30 emprendists en Svizra e sur 600 cussegliaders da distribuziun en l’Italia.

RR novitads 07:00

Artitgels legids il pli savens