Siglir tar il cuntegn

Header

cuntegn

Grischun Regenza grischuna en visita tar l'armada

La regenza grischuna ha visità in'unitad da la brigada d'infantaria da muntogna 12 en l'instrucziun dal cader a Walenstadt. Il schef da l'armada André Blattmann ha accumpagnà la regenza grischuna durant l'entira visita da las truppas.

En sia communicaziun a las medias scriva la regenza ch'ella sa saja allegrada da la preschientscha persunala dal schef da l'armada, il cumandant da corp André Blattmann, che haja accumpagnà la regenza durant l'entira visita da las truppas.

Regenza grischuna: «Collavuraziun excellenta» cun l'armada

In portrait da Blattmann.
Legenda: Il schef da l'armada ha accumpagnà la regenza grischuna durant tut sia visita a l'armada. Keystone

Uschia saja stà pussaivel da discutar tant davart l'ulteriur svilup da l'armada ed il concept da staziunament en il chantun sco era dad ingraziar al schef da l'armada per la collavuraziun «excellenta cun il chantun Grischun».

Tenor ina communicaziun da la regenza ha ella era visità la centrala d'operaziuns da l'aviatica militara. Ils temas là eran la chapientscha per las acziuns da l'aviatica militara durant il WEF a Tavau e las pussaivladads da cooperaziun tranter l'armada d'ina vart e la polizia, la protecziun civila ed ils pumpiers da l'autra vart.

RR novitads 10:00

Artitgels legids il pli savens