Siglir tar il cuntegn

Grischun Quota d'agid social resta bassa en il Grischun

L'onn 2014 ha il chantun Grischun sustegnì 2'335 persunas cun agid social. Il dumber da persunas e dals cas è cun quai restà pli u main il medem sco l'onn precedent. La quota d'agid social è restada constanta sin 1,2%. Ella resta cleramain sut la media svizra da 3,2%.

in um mussa ses satgs da chautschas vids
Legenda: En il Grischun dovran radund 2'300 persunas sustegn da l'agid social. Keystone

Il Grischun è vinavant in dals chantuns cun las pli bassas quotas d'agid social.
En media vegn retratg agid social durant 2 onns. Quai demussan las cifras da l'uffizi federal per statistica.

Dapli cas en Svizra

En Svizra perencunter hai dà il 2014 dapli cas d'agid social, quai per la 6avla giada en seria. Mintga 30avel è vegnì sustegnì il 2014 almain ina giada cun ina prestaziun da l'agid social. Il dumber absolut da las persunas ch'han duvrà agid social è creschì per 2,7% sin 261'983 persunas.

Passa mintga quart retschavider d'agid social ha retratg l'onn passà gia dapi 4 onns sustegn social. Il svilup dapi il 2008 cuntinuescha pia. Dapi lura s'augmentan ils dumbers da persunas che survegnan sur pli lung temp agid social.

RR novitads 10:00