Siglir tar il cuntegn

Header

Navigaziun

L'onn 2016 è vegnì importà dapli che 35'000 tonnas pulaster en Svizra. La gronda part vegn da la Brasilia. (Direcziun generala da duana)
Legenda: Per il pli pulaster importà L'onn 2016 è vegnì importà dapli che 35'000 tonnas pulaster en Svizra. La gronda part vegn da la Brasilia. (Direcziun generala da duana) Keystone
cuntegn

Grischun Pulaster brasilian ubain poulet svizzer?

En Svizra datti dapli giaglinas che persunas. Ma tuttina na tanscha la producziun svizra da pulaster betg per nutrir tut ils Svizzers. La finamira dals producents svizzers da pulaster è d’auzar la cumpart indigena sin enfin 80%.

La gronda part dal pulaster importà deriva da la Brasilia. Pulaster importà è enfin tschintg francs pli bunmartgà che pulaster indigen. Tenor il president da l’Uniun dals producents da pulaster svizzer, Robert Raval, possian els persvader ils consuments be cun la qualitad. E questa saja – era pervia da las perscripziuns severas da la protecziun dals animals – extraordinari buna. Pervia dals custs da producziun ed elavuraziun pli auts na possian ils pretschs da vendita betg vegnir reducids.

Sch’il client insista sin charn da la Svizra, lura han era ils purs svizzers dapli motivs da producir pulaster
Autur: Robert Ravalpres. Uniun dals producents da pulaster svizzer

Duas ustarias, duas filosofias

A Cuira datti duas «ustarias da poulet». Ina è l’ustaria Calanda amez la citad, l’autra è dadora Cuira e tutga a la Migros, la Chickeria.

Tenor Sandra Brunner Decurtins, la manadra dal Calanda, dovra ses cuschinier mintg’emna 50 kg pulaster. Ils poulets entirs derivan da la Svizra, tut l’autra charn da la Brasilia. Uschia possia il Calanda porscher spaisas favuraivlas, di Sandra Brunner Decurtins. La derivanza dal pulaster è inditgada sin la carta da menus. Magari dettia giasts che dumondan pulaster indigen e quels fissan era pronts da pajar dapli per la spaisa. Per ella saja dentant impurtant che la qualitad saja buna.

RR actualitad 11:00

Ch’il giast giavischia ozendi pulaster svizzer sa era il pledader da la Migros da la Svizra Orientala, Christian Possa. Perquai vegn cuschinà sulettamain pulaster svizzer en la Chickeria. La Micarna, il grossist da charn da la Migros, è lura era in dals gronds clients dals producents svizzers.