Siglir tar il cuntegn

Header

cuntegn

Podcast Bainvegni en il «PodKnast»

En il PodKnast raquintan il survegliader, la spirituala, la directura, la dunna che ha survivì, il schef da segirezza, il directur da giustia ed il praschunier da las istorgias che la vita (da praschun) scriva.

«Jau muriss atgnamain anc gugent en praschun», «...e lura ha el pitgà 19 giadas sin mai cun ina sibla», «Jau hai gia insaquantas giadas stuì prender in praschunier giu da la suga» – quai èn insaquants citats da persunas che lavuran u vivan en la nova praschun a Cazas Tignez, ina praschun trais giadas uschè gronda sco il vegl Sennhof a Cuira. Las persunas èn giasts en il nov podcast da RTR cun il num «PodKnast».

En quel raquintan il survegliader, la spirituala, la directura, la dunna che ha survivì, il schef da segirezza, il directur da giustia ed il praschunier da lur mintgadi. E quai poss jau gia empermetter: i vegn magari trist, magari malempernaivel, magari er legher ubain tut enina, dentant adina interessant. Mintga emna pudais tadlar qua ubain sin Spotify ed Apple Music novas episodas – per rumantsch, ed er per tudestg.

Il survegliader

«Jau stoss anc magari prender in praschunier giu da la suga», di Daniel Solenthaler, dapi 17 onns survegliader da praschun en il Grischun. En il PodKnast na raquinta el dentant betg be dals muments brutals, mabain er dals leghers da ses mintgadi.

audio
Il survigilader
ord Actualitad dals 18.02.2020.
laschar ir. Durada: 15 minutas 34 Secundas.

La spirituala

«Jau muriss atgnamain anc gugent en praschun», di sora Veronika che lavura dapi tschintg onns sco spirituala en praschun e vegn perquai uschè datiers sco quasi nagin auter als praschuniers, numnadamain enfin en l'olma.

audio
La spirituala
ord Actualitad dals 18.02.2020.
laschar ir. Durada: 18 minutas 46 Secundas.

Las brevs, part I

«Cur ch'jau hai l'emprima giada vacanzas da qua, fatsch jau suicidi», scriva in praschunier ch'è stà ils onns 80 en il Sennhof en ina brev da cumià a sia famiglia. Nus prelegiain insaquantas brevs, igl è bain fitg voyeuristic, ellas mussan dentant sco nagut auter ils patratgs e sentiments d'ina persuna en praschun.

audio
Las brevs, part 1
ord Actualitad dals 18.02.2020.
laschar ir. Durada: 9 minutas 18 Secundas.

La surviventa

«E lura ha el tut nunspitgadamain pitga sin mai cun ina sibla», raquinta la giurista Andrea Stadler, che s’engascha oz sco presidenta da la chasa da dunnas per unfrendas da violenza a chasa.

audio
La surviventa
ord Actualitad dals 26.02.2020. Maletg: mad
laschar ir. Durada: 14 minutas 14 Secundas.

La directura

«I funcziunescha be cun respect in tranter l’auter», di la directura da la nova praschun a Cazas Tignez Ines Follador. Ella declera en il PodKnast insaquantas reglas per viver ensemen.

audio
Las directura
ord Actualitad dals 26.02.2020. Maletg: RTR, F. Belotti
laschar ir. Durada: 10 minutas 28 Secundas.

Las brevs, part II

«En il Sennhof hai jau cudeschà ina chombra da luxus sin temp nunlimità», scriva in praschunier ch'è stà ils onns 70 en il Sennhof ina brev al directur da la praschun. Nus legiain avant en questa episoda insaquantas brevs.

audio
Las brevs, part 2
ord Actualitad dals 26.02.2020. Maletg: RTR, S. Bundi
laschar ir. Durada: 11 minutas 7 Secundas.

Il schef da segirezza

«Nagina praschun è 100% segira», di Martin Muoth, schef da segirezza en la pli nova e cun quai probablamain er en la pli segira e moderna praschun da la Svizra – en la nova praschun a Cazas Tignez.

audio
Il schef da segirezza
ord Actualitad dals 04.03.2020. Maletg: RTR, S. Bundi
laschar ir. Durada: 13 minutas 15 Secundas.

Il directur da giustia

Peter Peyer è directur da giustia dal chantun Grischun – ed ex-praschunier. El PodKnast raquinta el, tge ch’el ha fatg per vegnir en praschun e co el valitescha il sistem da giustia svizzer.

audio
Il directur da giustia
ord Actualitad dals 04.03.2020. Maletg: mad
laschar ir. Durada: 15 minutas 12 Secundas.

Las brevs, part III

«Els han numnà mai chaun chaud e na vulevan betg dar lavur a mai», scriva in praschunier ch'è stà ils onns 70 en il Sennhof, en ina brev cun il titel «confessiunal». Nus legiain avant en questa episoda insaquantas brevs.

audio
Las brevs, part 3
ord Actualitad dals 04.03.2020. Maletg: RTR, S. Bundi
laschar ir. Durada: 12 minutas 33 Secundas.

Il praschunier

Co è quai, da far in delict? E cura e nua sa sent’ins libers en ina praschun. E co bajegian ins ina maschina da tetovar cun in apparat da far la barba? Tut dumondas, ch’in praschunier da la nova praschun a Cazas Tignez respunda en il PodKnast.

audio
Il praschunier
ord Actualitad dals 11.03.2020. Maletg: mad
laschar ir. Durada: 27 minutas 23 Secundas.

Tut las episodas dal PodKnast pudais er tadlar per tudestg, e quai sin Play RTR ubain cun cliccar qua.

RTR actualitad 07:00

Artitgels legids il pli savens