Siglir tar il cuntegn
Inhalt

Grischun Plirs projects cunter aua e crappa pon vegnir realisads

La regenza grischuna dat glisch verda per projects da correcziun da curs d'aua e da protecziun cunter crudada da crappa. Luzein e San Murezzan pon realisar projects per proteger cunter aua gronda e la Viafier retica survegn daners per segirar binars.

Dus crappuns sin binaris da la Vafier retica.
Legenda: Per impedir ina crudada da crappa tranter Claustra Platz e Clavadürli survegn la Viafier retica 1,3 milliuns francs. Viafier retica

La vischnanca da Luzein po meglerar sias mesiras da protecziun cunter auas grondas. La regenza ha dà glisch verda per in project correspundent sper la Landquart. Il chantun ha approvà 165 milli francs. Ils custs totals muntan a 825’000 francs.

Era la vischnanca da San Murezzan po investir en la protecziun cunter auas grondas. La regenza ha approvà maximalmain 184’000 francs per restaurar il chanal dal Ovel da la Resgia. En tut èn necessaris bunamain 740’000 francs per las mesiras da protecziun.

Approvà ha la regenza grischuna era daners per segirar binaris da la Viafier retica. Tranter Claustra Plaz e Clavadürli duain ils binaris vegnir protegids meglier da crappa. La regenza ha approvà ina contribuziun da var on milliun francs. Il project custa en tut bun 1,3 milliuns francs.

RR novitads 10:00