Siglir tar il cuntegn

Header

cuntegn

Grischun Plevon Ernst Sieber: Er stà activ en il Grischun

A Cavardiras, ina fracziun da Mustér, aveva Ernst Sieber avert ina chasa d'agid.

L'onn 1989 aveva l'Uniun Refugi Grischun da plevon Ernst Sieber cumprà l'anteriura ustaria «Pign Padua» a Cavardiras. Durant plirs onns era il «Pign Padua» ina chasa da reconvalescenza e reintegraziun per persunas cun problems da drogas, alcohol e disturbis psichics. Tranter auter èn abitants da la chasa a Cavardiras stads ad alp, sco che La Quotidiana ha rapportà l'onn 2001. Er Ernst Sieber è stà a la chargiada d'alp ed ha schizunt gidà ad ir cun las chauras.

audio
Saira: La fundaziun Sieber a Cavardiras
ord Actualitad dals 22.05.2018.
laschar ir. Durada: 3 minutas 38 Secundas.

Il 2004 èn las ovras socialas dad Ernst Sieber vegnidas en grondas miserias finanzialas ed han vendì il «Pign Padua». Sin quai è la chasa stada durant plirs onns ina pensiun ed è oz ina chasa da vacanzas.

RR actualitad 17:40

Artitgels legids il pli savens