Siglir tar il cuntegn

Header

cuntegn

Per la segunda giada Triep da la Mesolcina ha luffins

Il triep da lufs en la part sura da la Mesolcina è sa reproducì per la segunda giada. Glindesdi hajan ins pudì observar 4 luffins en la regiun tranter Mesocco e San Bernardino, eventualmain haja anc dapli luffins, ha communitgà l'Uffizi da chatscha e pestga.

L'avis hajan ins survegnì d'ina persuna privata. Gia l'onn passà avevan ins pudì confermar en la regiun luffins, quai grazia ad ina trapla fotografica. La situaziun na saja betg privlusa, di l'Uffizi da chatscha e pestga.

Ina foto da dus luffins
Legenda: Foto simbolica da luffins Keystone

RTR novitads 18:00

Artitgels legids il pli savens