Siglir tar il cuntegn

Grischun Pajar cun Bitcoins tar pendicularas

Ils bitcoins èn daventads tema dal mintga di. Ussa vulan las pendicularas Engiadina San Murezzan laschar pajar ils giasts cun il daner digital. Autras pendicularas han era gia gì il medem patratg. Realisà l'idea n'han ils auters però betg.

Bitcoin.
Legenda: Bitcoin. Keystone

Las pendicularas Engiadina San Murezzan pussibilitescha en l'avegnir da pajar cun bitcoins. Sin dumonda da RTR conferman er autras pendicularas l'interess da offrir quai. Las pendicularas da Lai e da Savognin savessan metter avant bain da laschar pajar cun bitcoins.

Pli critic vesa quai Mario Jenall da las pendicularas Samignun. Per el saja il ristg ch'il curs dal bitcoin crodia ensemen memia grond.

RR actualitad 08:00