Origen resta fidaivel al tema Russ e preschenta sis producziuns en la tur sin il pass dal Gelgia ed en il teater La Clavadeira a Riom. In risico ha l'intendant Giovanni Netzer ristgà cun entschaiver la stagiun ils 4 da december e cun concerts la damaun a las 7:00 uras en la tur sin il pass. Dus da quels concerts èn dentant gia vendì ora.
Alexei – teater musical davart l'ultim figl dal zar russ
«Quest toc raquinta da la curta vita ed il lung murir dad Alexei Nikolajewitsch Romanow», l'unic figl dal zar. L'uffant d'entant patescha da hemafolia, è sanganader. En il temp da la revoluziun russa è quest toc tut insatge auter ch'ina istorgia d'Advent, resumescha Giovanni Netzer ch'inscenescha er quest toc.
Ils solists russ vegnan puspè
Il ballet «I'm not scared» dad Ilia Jivoy ch'ha fetivà l'avust grond success survegn puspè ina plattafurma. Sis solists dal teater Mariinsky, che vala sco ballet cun sautunzs da classa mundiala vegnan a fascinar il public cun lur abilitad e grazia sa legra Netzer, sco el ha ditg envers las medias.
RR actualitad 11:00