Siglir tar il cuntegn

Header

cuntegn

Orchester giuvenil Far musica communablamain fa pel-giaglina

43 musicistas e musicists sunan en l’Orchester giuvenil d’instruments a flad Grischun. Sin il palc en la sala da gimnastica a Schiers èn da vesair trumbettas, clarinettas, oboas, posaunas, flautas, saxofons, baritons, eufoniums, corns, tubas e la percussiun.

audio
Trenar in’entira emna – e lura concertar
ord Actualitad dals 28.07.2022.
laschar ir. Durada: 3 minutas 40 Secundas.
A mi plascha che tut las musicantas ed ils musicants han uschè in grond plaschair – e tuttas e tuts fan quai or da pura passiun.
Autur: Mischa Weiss musicist

Ils giuvenils e las giuvenilas tranter 13 e 25 onns sunan normalmain en societads da musica en lur vischnancas, e perquai è la furmaziun da l’Orchester giuvenil d’instruments a flad Grischun particulara. En lur emprovas sunan els sco emprim ensemen insaquantas chanzuns, e repetan passadis che na funcziunan anc betg. Suenter van els en lur registers, nua ch'ils singuls instruments pon exercitar individualmain.

A mai para fitg flot che nus essan ina gruppa cun la medema passiun.
Autur: Selina Poo musicista
A mai plascha da sunar en ina nova furmaziun.
Autur: Jon Zanetti musicist

L'orchester da 43 giuvenilas e giuvenils giaudan da sunar en ina furmaziun particulara, nua che tuts e tuttas han ina passiun per la musica. Il bel è per Selina sco er per Jon durant quest champ la maschaida tranter far musica durant il di e suenter era anc esser da cumpagnia.

audio
Selina Poo e Jon Zanetti davart lur experientschas en il champ
ord Actualitad dals 12.08.2022.
laschar ir. Durada: 3 minutas 57 Secundas.

Musica unescha

Da quest avis è era Fabio Pola, il manader musical e dirigent dal camp a Schiers. Il Puschlavin exercitescha cun l'orchester durant in'emna diversas chanzuns. Per el saja en in'emprima lingia il pli impurtant che las musicistas ed ils musicists giaudan ensemen ina bella emna cun musica. El vesa quests camps sco schanza che dapli glieud vulan far musica.

Durant ils concerts è adina ina bella atmosfera ed amicizia tanter las musicistas ed ils musicists
Autur: Fabio Pola manader musical
audio
Il dirigent Fabio Pola davart l'impurtanza da quests champs
ord Actualitad dals 12.08.2022.
laschar ir. Durada: 2 minutas 54 Secundas.

RTR actualitad 11:00

Artitgels legids il pli savens

Scrollar a sanestra Scrollar a dretga