Siglir tar il cuntegn

Header

Navigaziun

la bandiera olimpica sgulatscha en il vent
Legenda: Per il mument n'è la citad da Turitg anc betg sa decidida, schebain ella vul sa participar als gieus olimpics dal 2026. Keystone
cuntegn

Grischun Olimpiada 2026 - Turitg di ni NA ni GEA

Schebain la citad da Turitg sa participescha vid ina candidatura grischuna per gieus olimpics 2026 n’è anc betg cler.

Bain ha la suprastanza respundì ina dumonda da la regenza grischuna, quella saja dentant d’interpretar ni sco NA ni sco GEA. Quai ha ditg il pledader Ralph Kreuzer sin dumonda dad RTR. Per pudair decider definitivamain manchian anc impurtantas infurmaziuns. La suprastanza da Turitg saja dentant pronta per ulteriurs discurs.

I saja ni in NA ni in GEA, en il mument èn massa blers ovs anc betg mess.
Autur: Ralph KreuzerLeiter Kommunikation Schul- und Sportdepartement

Promoturs da buna speranza

La communicaziun da Turitg vegn interpretada dal team da concept plitost sco in GEA. Els sa mussan fitg cuntents cun la resposta da Turitg.

Cun la communicaziun avra la citad da Turitg las portas a nus. Per nus è quai ina fitg, fitg positiva resposta.
Autur: Barla CahannesTeam da concept gieus olimpics 2026

La regenza vesa quai era sco resposta positiva. Dentant è ella betg uschè entusiastic co il team da concept.

Quai èn bunas premissas. Dentant saja uss da spetgar ina decisiun da Swiss Olimpic sche els vulan insumma candidar per ils gieus.
Autur: Jon Domenic ParoliniCusseglier guvernativ dal Grischun

Actualmain èn ils promoturs dals gieus olimpics vida elavurar in concept concret. In’idea centrala è d’organisar las occurrenzas en differents lieus e da nizzegiar l’infrastructura existenta.

RR novitads 20.00