Siglir tar il cuntegn

Header

cuntegn

Grischun «Nus avain stuì dir giu a tut nos giasts»

Singulas vias da las vals lateralas da St. Anthönien èn bloccadas pervia da la naiv. Il privel da lavinas è aut – sin stgalim quatter.

audio
Parts da St. Anthönien èn sarradas giu dal mund
ord Actualitad dals 18.01.2018.
laschar ir. Durada: 2 minutas 2 Secundas.

Pertutgada è dapi mardi saira era la via a Partnun – in aclaun sur St. Anthönien. «Nus avain stuì dir giu a tut nos giasts», declera Ernst Flütsch che maina duas chasas d'albiert a Partnun. I haja dus meters naiv e radund 50cm naiv nova. Era il privel da lavinas è gronds. Tuttina na saja la situaziun betg gest precara, uschia Flütsch ch'è commember da l'organisaziun da la protecziun da lavinas. Per ils cas dals cas saja pront in stab da crisa.

Singulas persunas ch'abiteschan en las plauncas periclitadas han tema. Uschiglio prendain nus quai tut cool. Cun da questas situaziuns essan nus disads qua en las muntognas.
Autur: Ernst Flütsch

Ristg da lavinas stgalim quatter

Era pervia dal vent ferm saja la situaziun da lavinas enturn St. Anthönien critica, conferma Gian Darms, expert dal institut da lavinas a Tavau. El po dentant quietar: «El mument quintain nus betg cun quai ch'ei vegn nauagiu lavinas fin en la val. Il stgalim quatter vala oravant tut per persunas che van a far turas en quest territori.» I saja numnadamain fitg simpel dad activar lavinas.

RR actualitad 17:00

Artitgels legids il pli savens