Siglir tar il cuntegn
cuntegn

Grischun Nostalgia pura

Viagiar cun ina locomotiva a vapur è ozendi in eveniment rar. Ils pli gronds fans dalla Viafier Retica èn sa rimnai la fin d'emna a chaschun d'in eveniment da vapur per parter lur fascinaziun per ils vehichels dad anno tubac.

Legenda: Guardar il video Cursa da locomotivas a vapur. Durada 01:43 minutas.
Or da Actualitad video dals 17.09.2017.
Legenda: Guardar il video Concurrenza da locomotivas da vapur. Durada 03:13 minutas.
Or da Telesguard dals 18.09.2017.

Sin viadi cun vapur

Suenter al Rain curseschan duas locomotivas a vapur, da Cuira fin a Sumvitg. Sin quasi mintga staziun ch'ellas ferman datti ina duas tibadas e tschivladas. A bord èn ina roschada passagiers, ils egls traglischonds dal plaschair e las cameras da fotografar enta maun.

Quai n'ha ei anc mai dà: Ina cursa da locomotivas

Il punct culminant per ils fans dals vehichels da vapur è sin il tschancun da Cuira fin a La Punt/Reichenau. Là dat ei numnadamain in binari cun trais rodaglias. Sin quellas han las duas locomotivas dad anno 1902 e 1906 fatg ina cursa. La spertezza maximala è dentant tar maximal 35 kilometers per ura plitost modesta. Ina cursa tranter duas locomotivas ha quai anc mai da. Durant ils lavurdis è il binari da trais rodaglias occupà cun trens normals e trens da cargo per las Ovras da Domat. Per chattar precis il spazi da temp cura ch'il binari è libers, ha quai duvrà bleras uras da planisaziun.