Siglir tar il cuntegn
Inhalt

Grischun Navs da vitgira rumantschas sin tut il mund

A Hong Kong, Shanghai, Rio de Janeiro ni er a Hamburg. Dapertut sin il mund èsi pussaivel dad entupar las navs da vitgira cun nums sco Corviglia, Diavolezza ni er Engiadina.

La Corviglia.
Legenda: La Corviglia. MAD

Corviglia, Diavolezza, Engiadina u Silvretta. Sin las mars dal mund cursescha ina entira flotta da bastiments cun nums rumantschs. La raschun persuenter n'è betg dal tut clera. Probabel haja la familia ch'ha fundà la firma Oceana Shipping SA, che posseda las navs, gì in connex cun l'Engiadina. Quai di Peter Curdin Conrad, il president dal cussegl d'administraziun da la firma.

Navs transportan rauba pesanta da gronda quintitads

Tge ch'è dentant cler è tge che las navs transportan, numnadamein tranter auter graun, soja ni er itschal, en scadin cass rauba pesanta e da grondas quantitads. Gie e na betg mo ils nums rumantschs èn spezials, mabain er il sez da la firma, lez è betg ad in dals gronds ports dal mund, mabain amez la citad da Cuira en in pitschen biro d'advocats.

RR actualitad 06:00