Siglir tar il cuntegn

Grischun Miffa, miffa

Per pudair cumbatter il bulieu da la miffa ston in enconuscher el. En sasez n'è il bulieu da la miffa nagut auter ch'ina plantina sco autras plantas era.

Enconuscher l’inimi per pudair cumbatter el

Ils organissems da la planta dal bulieu da miffa èn extrem pitschens. Be cun ils egls na pon ins betg vesair el. Però sch’ins engrondescha il bulieu ves’ins ch'igl è propi ina planta. E sco mintga planta ha era il bulieu da miffa pollens. Quels pollens sa scumpartan e tschertgan in bun lieu per crescher. Il bulieu ha gugent temperaturas amiaivlas sur 20 grads, aria umida < 70 % e sch'i dat insatge da mangiar sco pulvra ni lain u autras nutritivas organicas.

Evitar miffa

Qua in pèr tips per evitar da survegnir il bulieu da la miffa.

  1. Dar aria 3-5 giadas al di a l’abitaziun per ca. 5 minutas.
  2. Betg cupitgar la fanestra durant l'entir di
  3. Avair la medema temperatura en tut la chasa
  4. Guardar d'avair ina umiditad d'aria sut 70%

Sch'il bulieu e gia en chasa

Lura ston ins pulir il bulieu endretg. Mo ir suravi cun in sdratsch na gida nagut. Quai promova perfin la miffa. Per rablar davent il bulieu pon ins prender rauba ch'eliminescha dal tut il bulieu. E quai duai esser in product ecologic. Pertge che tut tenor po in product chemic esser pli nausch ch'il bulieu sez.