Siglir tar il cuntegn
Inhalt

Grischun Metodas da mafia en branscha da construcziun?

In artitgel en il magazin online «Die Republik» leventa nova pulvra en il cas supponì da cartel dad interpresas da construcziun en Engiadina. La seria publitgescha documents che duessan cumprovar il cartel.

Duas cranas
Legenda: Branscha da construcziun en la defensiva – nov artitgel leventa pulvra. Keystone

La seria dad artitgels, che cumpara quest’emna, repeta renfatschas gia enconuschentas. Ma ella publitgescha per l'emprima giada documents, sco per exempel glistas da preschents ad inscunters secrets e la repartiziun secreta da cumondas.

L’anteriur capo communal da Scuol, Jon Domenic Parolini, oz directur dad economia en la regenza, haja savì dal cartel. Andreas Felix, candidat per la regenza e manader da gestiun da l’uniun da las interpresas da construcziun, haja perfin gidà logistic al cartel. Tuts dus refusan quellas renfatschas. Els vulan però pir s'exprimer en detagl, cur che tut las renfatschas en publitgadas.

Ils resultats da las inquisiziuns da la CumCo/WEKO vegnan spetgads questa primavaira.

RR actualitad 17:00