Siglir tar il cuntegn

Header

audio
Quant ha la plievgia purtà?
Or da Actualitad dals 19.08.2022. Maletg: Keystone
laschar ir. Durada: 1 minuta 37 Secundas.
cuntegn

Meteo Plievgia gida be a la surfatscha dal terren

Suenter ina lunga perioda sitga hai puspè dà plievgia en Svizra. En tscherts lieus èn ils urizis stads ferms – surtut en la Svizra Centrala e la Svizra Orientala.

La pli blera plievgia han ins registrà sin il Säntis cun 180 liters per meter quadrat. Il Walensee è creschì per 80 centimeters ed haja cunquai bunamain puspè il livel usità. Quai ha communitgà SRF Meteo. La plievgia ch'ins ha registrà entaifer 24 uras en la Svizra Centrala e la Svizra Orientala è per part stada datiers da valurs da record. Ad Altstätten ed en l'Innerthal, en il chantun Sviz han ins registrà la segund'auta quantitad da plievgia ch'ins ha insacura mesirà.

Aua gronda

Tenor SRF Meteo hai dà en l'intschess da la Sitter en l'Appenzell – nua ch'il flum entschaiva – passa 50 millimeters plievgia entaifer sis uras. En la Svizra Orientala èn ils pumpiers stads permanent en acziun.

video
Aua gronda ad Appenzell
Or da Meteo Zusatzmaterial dals 19.08.2022.
laschar ir. Durada: 26 Secundas.

Situaziun en il Grischun

En il Grischun hai dà il pli bler en il sid ed il nord. Tenor Daniela Schmuki da SRF Meteo hajan ins mesirà a Grono en il Mesauc 50 millimeters per meter quadrat. Da la Surselva enfin Cuira hai dà 30 millimeters per meter quadrat. Il pli pauc bletsch èsi vegnì en l'Engiadina Bassa.

Questa quantitad da plievgia gida bain in zic il terren e la vegetaziun. Propi bletsch vegnia dentant be la surfatscha dal terren, a profund giaja questa plievgia betg, di Schmuki.

RTR actualitad 17:00

Artitgels legids il pli savens