Siglir tar il cuntegn

Header

cuntegn

Mesocco Christian de Tann chala suenter 11 onns

Il president communal da Mesocco Christian de Tann na candidescha betg per in'uliteriura perioda d'uffizi. Per las elecziuns dals 30 d’october datti trais candidaturas: John Seghezzi, Fauso a Marca e Mattia Ciocco.

audio
«Uss vi jau m'engaschar en auters champs» (talian)
ord RTR Audio dals 05.10.2022.
laschar ir. Durada: 11 Secundas.

Sco quai che Christian de Tann (Allianza dal Center) ha ditg envers Radio RSI, sajan ils davos 11 onns stads fitg interessants. El saja cuntent da terminar sia lavur cun la segirtad, d'avair chattà in investur che veglia sviluppar San Bernardino e las pendicularas ch'èn il mument serradas. Ussa entschaivia ina nova fasa ed i saja impurtant che novas forzas possian purtar vianvant il project.

En la davosa legislatura ha Christian de Tann er presidià la regiun Moesa. Surtut il temp da la pandemia saja stà in temp fitg intensiv. Ussa veglia el nizzegiar sia energia sin auters camps.

Christian de Tann durant in'infurmaziun per las medias.
Legenda: Il president da la Regiun Moesa Christian de Tann (dal maun dretg) durant in'infurmaziun davart in studi davart l'immunitad da corona. Federico Belotti

RTR novitads 12:00

Artitgels legids il pli savens

Scrollar a sanestra Scrollar a dretga