Siglir tar il cuntegn

Grischun Masein: Preventiv d'investiziuns da bunamain 1,3 milliuns francs

La radunanza communala da Masein ha approvà il budget dal 2018. Previsas èn investiziuns da 1,291 milliuns francs. Il pe da taglia resta tar 120%. Quai ha communitgà la vischnanca.

Vopna da Masein.
Legenda: La vischnanca da Masein prevesa investiziuns 1,291 milliuns francs. RTR

La vischnanca quinta cun in deficit da 1'410 francs. Plinavant è il plan da finanzas 2018-2020 vegnì preschentà a la radunanza. Pervia da investiziuns grondas e pervia che las contribuziuns da gulivaziun da finanzas van enavos mussa il plan da finanzas 2018-2020 pli e pli deficits.

Credit per conduct circular dal provediment d'aua

Per segirar il provediment d'aua durant interrupziuns da l'ingias è vegnì approvà in credit per in conduct circular. Il conduct è prevesì tranter Cresta e Crestalunga. Ils custs muntan 215'000 francs.

Credit per revisiun da planisaziun locala

Pervia da las midadas tar la lescha da planisaziun dal territori federala e chantunala, vegn la planisaziun locala adattada. Ils custs totals dal project muntan 130'000 francs. Per l'onn 2018 ha la vischnanca approvà 90'000 francs. Ils ulteriurs 40'000 francs aveva la vischnanca gia approva per l'onn 2017.

RR novitads 09:00