Siglir tar il cuntegn

Header

cuntegn

Mancanza d'energia È quai pussaivel che l'electricitad va a fin?

La rait electrica en Svizra mesira 250'000 kilometers – pia tanschissan tut questas lingias 6 giadas enturn il mund. La rait è colliada cun l’entir Europa. Dimena sch'i avess da vegnir ad ina mancanza d’electricitad, alura pertutgass quai er a noss vischins. Tenor in studi che la Confederaziun ha publitgà saja ina mancanza d’electricitad pussibla suenter l’enviern da l’onn 2025. Per il mument sa chatta la Svizra en il stadi normal, vul dir dad observar la situaziun dal provediment. En cas d’indizis d’ina mancanza reagescha il Cussegl federal e lavura tenor il concept da OSTRAL – l’organisaziun che proveda electricitad en situaziuns extraordinarias.

audio
Uschia funcziuna la rait d'electricitad en Svizra
aus Actualitad vom 08.06.2022.
abspielen. Laufzeit 2 minutas 49 Sekunden.

Il scenari da quatter pass en ina situaziun da mancanza d’electricitad:

  1. Appel a la populaziun da spargnar energia
  2. Introducir scumonds e restricziuns dal consum
  3. Contingentaziun per consuments gronds
  4. Interrumper la rait electrica

En l'emprim pass fa la Confederaziun quint cun la solidaritad da la populaziun. I vegn dumandà responsabladad individuala e persunala.

En il segund pass vegnan introducids scumonds e restricziuns dal consum, per exempel na pon vegnir duvrads saunas, climatisaziuns e stgalas rudlantas.

Tge che n'è betg necessari per viver, vegn restrenschì sco emprim.
Autur: Thomas Schneider commember da la gruppa da lavur per la contingentaziun tar OSTRAL
audio
Consequenzas e mesiras pussaivlas tar ina mancanza – cun Thomas Schneider da la OSTRAL
aus Actualitad vom 08.06.2022.
abspielen. Laufzeit 4 minutas 34 Sekunden.

En il terz pass proclamescha il Cussegl federal contingents per consuments gronds. Consuments che dovran dapli che 100 uras megawatt electricitad en in onn han da limitar lur consum d’energia.

l'ultim e quart pass en il concept da OSTRAL è l’interrupziun da la rait electrica. Quest avess consequenzas considerablas per l’economia e la populaziun. L’interrupziun funcziuna da maniera ciclica, vul dir che per quatter uras è ina part dal territori senza electricitad, e per las proximas quatter uras in autra part. Tar infrastructuras criticas ch'èn relevantas per il sistem – sco ospitals, pumpiers, polizia e praschuns – vegn l’interrupziun impedida uschè ditg sco pussibel.

In scenari mussa ch'i pudess esser che nus avain intgins dis senza forza electrica l’onn 2025.
Autur: Thomas Schmid manader da l'Uffizi d’energia e traffic GR
audio
Co vesi ora concret en il Grischun? – cun Thomas Schmid
aus Actualitad vom 08.06.2022.
abspielen. Laufzeit 4 minutas 4 Sekunden.
La pli gronda sfida vegn ad esser da collavurar cun 50 differents gestiunaris da la rait.
Autur: Bruno Casutt manader dal servetsch da la protecziun civila GR

Situaziun en il Grischun

audio
Il Grischun ha anc bler da far
aus Actualitad vom 08.06.2022.
abspielen. Laufzeit 1 minuta 31 Sekunden.

Il stab da crisa dal chantun Grischun è sa scuntrà per far in concept concret per in cas d’ina mancanza d’electricitad. Departaments e partenaris èn vegnids ensemen per elavurar ina soluziun communabla. Igl è planisà ulteriurs inscunters per la planisaziun da detagl.

RTR actualitad 06:00

Artitgels legids il pli savens

Scrollar a sanestra Scrollar a dretga