Siglir tar il cuntegn

Header

audio
Intervista cun Mario Cavigelli
Or da Actualitad dals 11.08.2022.
laschar ir. Durada: 4 minutas 25 Secundas.
cuntegn

Mancanza d'electricitad «Betg vegnir gnervus e betg cumprar chandailas»

Tge fa il chantun, sch'i manca tuttenina electricitad l’enviern? Sumegliant sco durant la crisa da corona saja prevedì in management da crisa. Quai ha la regenza ditg dacurt a chaschun da l’inscunter mensil cun las medias. Co quest management da crisa sa cumpona en detagl, vul la regenza communitgar anc quest mais.

Il minister d'energia Mario Cavigelli pledescha da restar prudent e betg reagir a moda hectica. I na fetschia betg senn da cumprar forsa massa chandailas u in stgaudament electric.

Impurtant saja dentant dad esser conscient che l’electricitad ha ina gronda valita – tant per l’economia sco era per la populaziun. Sch’ins saja conscient da l’impurtanza da l’energia, lura dovran ins era endretg l’energia.

Jau cussegl da betg esser memia gnervus.
Autur: Mario Cavigelli Cusseglier guvernativ

La Confederaziun ed ils chantuns sa preparian sin ina eventuala mancanza d’energia durant l’enviern. Ils chantuns sajan dentant plitost ils gidanters da la Confederaziun che exequeschian las decisiuns da lezza.

RTR actualitad 12:00

Artitgels legids il pli savens

Scrollar a sanestra Scrollar a dretga