Siglir tar il cuntegn
Inhalt

Grischun Malans: Quint annual serra cun gudogn da 2 milliuns francs

Il quint annual 2016 da Malans serra cun in gudogn da 2 milliuns francs. La radunanza communala ha approvà il glindesdi saira il quint ed in barat da terren, scriva la chanzlia communala en ina communicaziun a las medias.

La rundella da malans cun la statua d'in capricorn.
Legenda: Il quint annual da la vischnanca da Malans serra cun in gudogn. RTR, S. Derungs

Radund 70 votantas e votants da Malans han approvà unanimamain il quint annual che serra danovamain cun bunas cifras – numnadamain cun in gudogn da 2'004'096.43 milliuns francs tar entradas totalas da 11 '664'531.82 milliuns francs. Il cash-flow munta a radund 2,5 milliuns.

Las investiziuns nettas eran il 2016 tar radund 520’000 francs ed èn vegnidas finanziadas cumplainamain dal cash-flow. Il quint 2016 da Malans è per l'emprima giada vegnì fatg cun il model da quint HRM2.

Plinavant ha il suveran da Malans er approvà unanimamain in barat da terren da 100 aras cun la vischnanca burgaisa. Sin il terren barattà vul la vischnanca politica construir in implant da pumpadi d'aua sutterrana.

RR actualitad 14:00