Siglir tar il cuntegn

Header

cuntegn

Magistraglia Grischun La presidenta chala – las pretensiuns restan

La Magistraglia grischuna pretenda meglras pajas e meds d'instrucziun en tuttas trais linguas chantunalas. La participaziun a la radunanza da delegads è stada uschè auta sco anc mai.

Bunamain 140 delegadas e delegads sajan vegnids a la radunanza a Maiavilla, scriva la Magistraglia grischuna en sia communicaziun. Il record haja da far cun la revisiun da la lescha da scola ch'ins spetga en l'emprim quartal dal 2023.

La magistraglia veglia francar meglras cundiziuns da lavur en la lescha da scola. Cunzunt la mancanza da persunal d'instrucziun fetschia gronds quitads. Trais pretensiuns ha la radunanza da delegadas e delegads discutà ed approvà:

  1. In augment da paja: La paja duai correspunder a la media svizra.
  2. Ina lecziun per avair endament la promoziun integrativa.
  3. Meds d'instrucziun en tuttas linguas chantunalas.

Presidenta chala

Plinavant demissiunescha la presidenta da la Magistraglia grischuna. Laura Lutz chala sin la fin da l'onn da scola. Sia successiun vegn tschernida il mars ad ina radunanza da delegads extraordinaria.

audio
Intervista cun Laura Lutz
ord Actualitad dals 03.10.2022.
laschar ir. Durada: 3 minutas 30 Secundas.

RTR novitads 17:00

Artitgels legids il pli savens