Siglir tar il cuntegn

Header

video
Occurrenza da translatar 4+1
Or da Telesguard dals 10.03.2017.
laschar ir. Durada: 3 minutas 39 Secundas.
cuntegn

Grischun Madlaina Popescu-Marin: ina Rumena fascinada dal rumantsch

Madlaina Popescu-Marin è linguista rumena e s’occupa gia dapi varga 40 onns cun la lingua e la cultura rumantscha. Uss ha la dunna d'83 onns edì in cudesch rumantsch cun translaziun rumena.

audio
Saira: Madlaina Popescu Marin – il mund rumantsch en mia vita
ord Actualitad dals 10.03.2017.
laschar ir. Durada: 3 minutas 26 Secundas.

La lingua e la cultura rumantscha èn daventads per la linguista Madlaina Popescu-Marin in segund da chasa. Varga 40 onns è ella s’occupada cun la linguistica rumantscha. Ella ha studegià ils onns settanta rumantsch ed è alura s’inamurada en la lingua.

Uss ha la linguista edì in cudesch per rumantsch sursilvan cul titel «Il mund rumantsch en mia veta» ch'è plain cun experientschas e memorias da la dunna en connex cun ses temp en Rumantschia. Il spezial è che Madlaina Popescu-Marin ha scrit l’emprim la versiun rumantscha e alura transplatà il text en rumen. Tenor Madlaina Popescu-Marin ha ella uschia pudì adressar ses cudesch meglier al public rumantsch.

Madlaina Popescu-Marin è presenta sonda ils 11 da mars all’occurenza «translatar 4+1». Là raquinta la linguista da sias experientschas en connex cun translatar texts dil rumen el rumantsch ed il cuntrari. Dumengia ils 12 da mars presenta ella alura ses cudesch en il Hotel Stern a Cuira.

RR actualitad 17:00

Artitgels legids il pli savens