Siglir tar il cuntegn

Grischun Luf sajettà è dal triep dal Calanda

Tar il cadaver dal luf ch'è vegnì chattà a Seglias sa tracti definitivamain dad in luf giuven dal triep dal Calanda. Quai conferma Georg Brosi, il manader da l’uffizi da chatscha chantunal.

Il luf fraudulà dal Calanda.
Legenda: Luf Il luf fraudulà dal Calanda. Uffizi da chatscha chantunal

Auter che pensà aveva il triep dal Calanda tschintg lufs giuvens e betg mo quatter. Uss dentant, suenter ch’il luf è vegni fraudulà pon ins discurrer puspè da quatter lufs giuvens. En tut vivan radund 10 lufs èn il triep dal Calanda.

Ils 16 da mars han ins chattà in luf giuven ch’era vegnì sajetta illegalmain e deponì a Seglias en la Tumleastga. Il cadaver dil luf sco era il cadaver dal urs, ch’era vegni sut il tren, ha il chantun tramess a l'Institut patologic da l'universitad da Berna per examinaziuns forensicas pli exactas. Entant èn las infurmaziuns impurtantas e relevantas per la procura publica communitgadas. Plinavant vegnan uss ils cadavers examinads per pudair rimnar infurmaziuns scientificas. Quai che po anc durar in temp.

RR novitads 18:00