Siglir tar il cuntegn
Inhalt

Grischun La Sofia fraida – tgi è quai schon puspè?

Pancraz... Bonifaz... e lura vegn quai pli grev da savair co ch'ils tschintg sontgs da glatsch han num... enfin tar la Sofia fraida. Dentant pli simpel èsi da tegnair endament las reglas da purs en connex cun ils patruns da l'aura fraida.

Flurs èsi da metter sin balcon pir cur che "la Sofia fraida" è passada - di la regla da purs.
Legenda: Spetgar: Flurs èsi da metter sin balcon pir cur che "la Sofia fraida" è passada - di la regla da purs. RTR, S. Bundi

Flurs na dastg'ins betg metter or en il liber avant la Sofia fraida, ed er fava e truffels na duess ins betg plantar avant. Ed è l'aura bella durant il di da Pancraz, datti dal reminent in bun vin. En connex cun ils tschintg sontgs da glatsch ch'han quests dis lur di dal num datti numerusas reglas da purs.

Els èn quels che annunzian definitivamain la primavaira. Ed er sch'ils nums da Mamertus, Pancratius, Bonifatius, Servatius e Sophia n'èn betg pli uschè enconuschents, las reglas, quellas vegnan anc adina resguardadas.

La pli renumada dals sontgs da glatsch è franc la Sofia fraida. La martra Sofia da Roma è la patruna da la schelira - e tar ses di dal num ils 15 da matg porta ella magari anc gugent temperaturas fraidas.

RR actualitad 06:00