Dapi 8 onns sa legra la flurista Carmen Caspar-Hagmayer mintg'onn sin las emprimas flurs da primavaira. La tulipa, la viola, il chalamandrin – las flurs da primavaira sajan las pli bellas. Ad Andeer cumenza la stagiun auta da flurs dentant in zic pli tard ch'en lieus Grischuns situads pli a bass, pia pir circa en in mais.
Legenda:
butia da flurs ad Andeer
La flurista dad Andeer ha per il mument ils mauns plains da far.
RTR
Semnar sin santeri
Temps da primavaira munta per la flurista era adina temps per cumenzar a decorar las fossas sin santeri. Bun 30 fossas el conturn dad Andeer dattan lavur a la flurista. Quai è ina lavur ch'ella fetschia gugent, cunzunt pervia da la quietezza en la natira. Tuttina saja quai in sentiment in pau pli spezial da far las fossas, era cunquai che la flurista ha enconuschì blers dals defuncts.
TR Telesguard 17:40