Siglir tar il cuntegn

Grischun L'anteriur cusseglier naziunal Toni Cantieni è mort

Il cristiandemocrat Toni Cantieni da Lai è mort la dumengia en la vegliadetgna da 88 onns. Quai ha communitgà sia famiglia.

Legenda: Guardar il video «A Toni Cantieni». Durada 1:23 minutas.
Or da Telesguard dals 25.04.2016.

Toni Cantieni è stà blers onns activ en la politica communala, chantunala e naziunala. Ils onns 1968-1973 ha el presidià la PCD dal Grischun.

Um
Legenda: Toni Cantieni è mort en la vegliadetgna dad 88 onns. RTR

Sia carriera politica ha Cantieni entschet cun 34 onns il 1962 sco president communal da Vaz. Davent dal 1963 è el stà deputà en il Cussegl grond. Dal 1971 fin il 1987 ha el represchentà il Grischun a Berna en il cussegl naziunal. Il scolast secundar Toni Cantieni ha dà scola a Vaz, Cuira e Casti. Davent dal 1984 fin il 1991 è el stà president da la Lia Rumantscha e dal 1992 fin il 2001 president da la Pro Svizra Rumantscha.

Ils davos 16 onns da sia vita professiunala è Cantieni stà manader da fatschenta e delegà dal cussegl adminstrativ da las pendicularas Danis SA da Lai.

RR novitads 21:00