Siglir tar il cuntegn
Inhalt

Grischun Incantanti – il campiun europeic

L'ensemble vocal Incantanti ha fatg l'emprim rang tar ils « European Choir Games» a Riga en la citad principala da la Lettonia. Cun 90 da 100 puncts èn els sa mess tras en la categoria «Youth Choires» encunter dus auters chors - in da la Gronda Britannia ed in da la Lettonia.

Il chor incantanti.
Legenda: Ad ina turnea da concurrenza ha Incantanti er gudagnà duas giadas aur ad Assisi en l' Italia. MAD

I saja stà bel da prender encunter il premi dad aur, uschia il dirigent dal ensemble vocal Incantanti, Christian Klucker: «Tge ch'è per nus fitg impurtant, er per mai sco dirigent, èn ils 90 puncts da 100 che nus avain survegni. Quai d'ina giuria internaziunala cun set commembers.»

Cun il emprim rang en la categoria Youth Choires èn Incantanti er sa qualifitgà per il «Grand Prix of Nations». Tar questa concurrenza internaziunala è l'ensemble vegnì quart.

Preparaziun per la concurrenza da chors svizra

Ils «European Choire Games» n'èn dentant betg la suletta concurrenza internaziunala da la quala Incantanti ha fatg part. Er ad Assisi en l'Italia ha il chor gudagnà duas giadas aur.

Tge concurrenza ch' è pli impurtanta en il mund dals chors, na sa Klucker betg dir: «Qua a Riga è tut tratg si bler pli grond. En sasez essan nus vid la preparaziun per la concurrenza svizra da chors ad Aarau. Gist perquai avain nus prendì part a quellas concurrenzas – quasi sco preparaziun.» Ad Aarau saja la concurrenza lura probablamain pli gronda, uschia il dirigent.

RR actualitad 17:10

Ord l'archiv

Legende: Video incantanti en il TSG abspielen. Laufzeit 03:26 Minuten.
Or da RTR dals 17.05.2012.