Siglir tar il cuntegn

Grischun In'assicuranza da terratrembels obligatorica gea u na?

Sur dad in'assicuranza da terratrembels vegn gia discussiunà dapi passa dus onns. L'assicuranza d'edifizis dal Grischun ha tar la dieta da primavaira envidà ad ina discussiun da podium sur da pro e contra d'in'assicuranza obligatorica.

chasa destruida
Legenda: Maletg simbolic: Chasa destruida d'in grev terratrembel. Keystone

La GVG è da l'avis che sch'i dat in ferm terratrembel, na basta betg pli l'agid dal pool. Il pool e in'uniun da 17 assicuranzas chantunalas. Il pool possia però be gidar cun 4 milliardas francs per onn. Tar in ferm terratrembel sco quel da Churwalden dal 1295 pudess quai però dar donns en l'autezza da 12 milliardas francs. Er sche la GVG quinta be mintga 500 onns cun in ferm terratrembel èn els da l'avis ch'ina assicuranza da terratrembels saja impurtanta.

Proprietaris da chasas cunter assicuranza obligatorica

Il grond adversari da l'assicuranza obligatorica è l'uniun dals proprietaris da chasas. L'uniun è cunter in'assicuranza che mantuna per 500 onns ils raps. Plinavant na vul l'uniun in'assicuranza obligatorica. Sur in'assicuranza privata saja quai er pussaivel da segirar ina chasa.

In model che tuttas dus varts chattan ina varianta pussaivla è l'uschenumnada «segirada cunter terratrembels cun ina obligaziun eventuala». Là ins paja be – en cas ch'i dat in terratrembel – in pitschen import da solidaritad.

RR actualitad 17.00