Uschè blera naiv sco igl è crudà dapi mesemna en il Grischun, ed en bleras autras parts da la Svizra - datti mo darar. Cunzunt en la Svizra Orientala ed en las regiuns da las Alps aja dà bler naiv, a ditg Jan Eitel da SRF Meteo. Var 30 centimeters ajan els mesirà en pliras regiuns da la Svizra Orientala, sco per exempel en la citad da Son Gagl. Ed en las vals da las Alps orientalas, sco la Glaruna e grondas parts dal Grischun, saja vegnì ensemen 60 fin 80 centimeters naiv nova. Quests quantums dettia var mintga 20 onns.
01:19
video
Impressiuns da la naiv nova
Or da Telesguard dals 14.01.2021.
laschar ir. Durada: 1 minuta 19 Secundas.
Noss correspundents en las regiuns davart la situaziun:
audio
Naiv: Situaziun da la bunura tenor noss correspundents
07:48 min, ord Actualitad dals 15.01.2021.
laschar ir. Durada: 7 minutas 48 Secundas.
Tramettai Vossas pli bellas fotografias da las navaglias a social@rtr.ch – Nus publitgain ellas sin noss chanals. Grazia fitg!
Ir cun skis giun la Bassa
Schizunt il runal situà il pli bass en Svizra, a Dietikon en il chantun Turitg, vegn damaun sonda en funcziun. La davosa giada ha Dietikon pudì laschar ir il runal il favrer 2017. Radund 40 giufs tiran siadora skiunzs e snowboardists. La pista è enturn 180 meters lunga e la populaziun da Dietikon la nizzegia era per scarsolar u ir cun il bob.
Legenda:
Runal da Dietikon, fotografà il 2015.
Keystone
