Siglir tar il cuntegn

Grischun Ils verd-liberals na vesan betg nair

La partida verd-liberala ha lantscha il cumbat electoral. Ella cumbatta per pudair tegnair lur sez en il cussegl naziunal, il sez da Josias Gasser.

Legende: Video Partida verd-liberala Grischun abspielen. Laufzeit 3:27 Minuten.
Or da Actualitad video dals 21.08.2015.

Avant quatter onns han ils verd-liberals suprendì tuts. Ch’els survegnan in sez en il cussegl naziunal, cun quai han be ils paucs quintà. E sch’ins fa ora per quest onn il quint, sche lura ves’ins che las schanzas da pudair tegnair il sez n'èn betg las pli autas.

Tegnair il sez è ina sfida.
Autur: Josias GasserCusseglier naziunal

Autras circumstanzas ch'il 2011

Avant quatter onns era la catastrofa d'atom a Fukushima, che ha animà a d'in u l'auter da vuschar per ils verd-liberals. Vitiers ha la PLD avant quatter onns betg collià sias glistas quai che ha la finala custà il sez da Tarcisi Caviezel.

Per defender lur sez han ils verd-liberals lur tactica. Per exempel vegnan els ad esser fitg preschents sin las vias dal Grischun, tranter auter cun ina rikscha.

I dat vuschs che pretendan ch'ils verd-liberals hajan pers il cumbat gia avant ch'il cumbat ha atgnamain cumenzà. Quai na lascha betg fraid Josias Gasser. Ils verd-liberals vulan cumbatter per pudair tegnair lur sez.