En la mostaria a Scharans per exempel marscha bler. È la mostaria avant in onn anc stada en funcziun sulettamain in di l'emna – vegni quest onn fatg most mintg’emna almain 3 dis. Durant fitg buns onns fetschia la mostaria, che tutga a la vischnanca da Scharans, enturn 100'000 liters most. Quest onn pudess quest quantum vegnir surpassà. E quai munta blera lavur per las duas lavurantas– ed er per lur clients. En la mostaria a Scharans han quels numnadamain dad assister.
Era sin il Plantahof hani fatg ina fitg buna racolta da maila – sco er da tschareschas, primblas e paira. Tenor Gregor Canova, il cussegliader da puma dal Plantahof, haja quella buna racolta da far cun la primavaira, ch’è stada miaivla e sulegliva – ed uschia haja l’entir Grischun bler dapli puma ch’ils davos onns.
Telesguard 17:40