Siglir tar il cuntegn
cuntegn

Grischun Ils emprims sigls en l'aua fraida

La stagiun dals bogns averts ha cumenzà. A Cuira sco era a Glion po la glieud giudair il sulegl e l'aua en il liber. L'emprim di n'era dentant betg benedì cun blera glieud.

Ils prads èn verds, l'aua bel blaua e la glischnera glischa mellen. L'unic che manca anc èn ils nudaders. En la Obere Au a Cuira eran durant l'emprim di radund 40 visitaders. Quai sajan relativamain paucs, di il guardiabogn cun surnum «Hecki». Tuttina saja el fitg cuntent cun l'emprim di:

Quels paucs ch'eran qua, han gì plaschair. I n'è capità nagut.
Autur: «Hecki»guardiabogn Cuira

L'aua aveva 24 grads. Per el saja però cler, ch'ins na possia betg quintar cun blera glieud, sch'il tschiel è surtratg.

Durant bunamain sis emnas han ils luvrers da l'Obere Au pulì il bogn, controllà ils bischens e segà ils prads. Las preparativas hajan rendì, di «Hecki». Uss sajan il bogn ed el sez pront per ils dis propi chauds.

Proxims bogns avran prest

Ils 19 da matg avran era il bogn avert «Sand» a Cuira ed il bogn a Tusaun. Ils auters bogns en il chantun avran il pli tard l'entschatta da zercladur.

RR actualitad 08:00