Mo surtut las finanzas giogan ina impurtanta rolla. L'interpresa da construcziun da San Murezzan po tenor Markus Testa spargnar grazia a la sortida da l'uniun mintg'onn radund 200'000 francs. Quai entras il respargn dal daner da commembranza e da contribuziuns d'AVS pli bassas tar in'autra cassa.
Uniun d'impressaris perda ina da las grondas interpresas
Il president da l'uniun d'impressaris dal Grischun, Markus Derungs, deplorescha la decisiun da la firma Hartmann. Els vegnian la fin d'avust a seser ensemen e discutar, era cun l'uniun d'impressaris svizra.
Cun la grondezza da la Hartmann & Cie, cun radund 600 collavuraturs, pajava quella ina contribuziun annuala substanziala ord vesta da l'uniun d'impressaris. Perquai saja la sortida ord vesta finanziala remartgabla per els, uschia ha Markus Derungs prendì posiziun per scrit envers RTR. Tuttina possian els vinavant salvar la qualitad da lur servetschs.
RR novitads 12:00