Siglir tar il cuntegn
Inhalt

Grischun Gulivaziun da finanzas – sbagl chattà grazia a San Murezzan

Il Uffizi da vischnancas ha fatg sbagls tar ils quints per la gulivaziun da finanzas dal chantun. La vischnanca che paja il bler, numnadamain San Murezzan, ha chattà il sbagl ed è uss sa dustada. Per els sa mida il quint per bunamain in milliun francs.

Sigi Asprion
Legenda: Sigi Asprion il president da vischnanca da San Murezzan vegn era en futur a controllar ils quints dal chantun. RTR

Cura che San Murezzan ha survegnì la taxaziun da la gulivaziun da finanzas tranter las vischnancas han els vis che quella sto esser memia auta. Sin quai ha la vischnanca da San Murezzan annunzià a l'Uffizi da vischnancas lur supposiziun.

Controlla precisa ha manà a la glisch ils sbagls en la calculaziun

Suenter la controlla da la cifras ha il chantun constatà, che la taxaziun era propi fallada. Uss è la summa che San Murezzan ha da pajar per 1,1 milliun francs pli bassa sco quella da l'emprim quint.

Il president da San Murezzan Sigi Asprion di, ch'el na saja betg vilà sin il chantun, però trumpà. Els hajan vinavant fidanza en il chantun. Els vegnian dentant era en il futur a controllar bain ils quints.

RR actualitad 07:10