Siglir tar il cuntegn
cuntegn

Grischun Grischun sustegna vias da guaud e maschinas cun 9,7 milliuns

Ils proxims onns vegnan reparadas radund 56 kilometers vias da guaud e da maschinas en Grischun. La regenza sustegna las vischnancas cun radund 9,7 milliuns francs.

Via che sto vegnir sanada.
Legenda: Via da guaud a Trimmis la primavaira 2018. mad

La regenza ha approvà in project collectiv da differentas vischnancas per renovar vias da guaud e vias da maschinas. Ultra da quai ha ella garantì a las vischnancas ina contribuziun chantunala da maximalmain 9,73 milliuns francs.

Il basegn da reparar vias da guaud saja vinavant preschent e na possia betg vegnir tralaschà en futur, ha communitgà la regenza. Reparadas vegnan era vias donnegiadas da malauras. Totalmain vegnan renovadas vias da guaud e vias da maschinas d'ina lunghezza da 55,6 kilometers. Uschia vegn meglierada l'avertura da circa 11'290 hectaras guaud. La realisaziun dal project collectiv 2018 dura puspè dus onns.

RR novitads 10:00