Siglir tar il cuntegn

Header

video
Per guardar: Purschida insuffizienta per persunas cun autissem
Or da RTR dals 04.10.2022.
laschar ir. Durada: 4 minutas 54 Secundas.
cuntegn

Grischun Purschida insuffizienta per persunas cun autissem

Confamigliars da persunas creschidas cun autissem dovran blera forza e pazienza en il Grschun, sch'ellas ston chattar in suttetg per lur charas e chars. Quantas plazzas che mancan na san ins betg dir precis, fatg è dentant ch'il Grischun n'è en quest reguard betg là nua ch'el vess dad esser.

Questa stad han renfatschas enturn la «Chasa Flurina» a Lavin procurà per lingias grassas. Entant è enconuschent che la chasa per persunas cun autissem a Lavin serra sias portas.

Sper la «Chasa Flurina» datti en il Grischun be anc quatter gruppas d'abitar per persunas creschidas. Ins quinta che 2% da la populaziun patescha en ina moda u l'autra dad autissem. Cas pli grevs èn dentant bler pli rars. Surtut per quels duvrassi dimoras professiunalas.

Las sfidas en connex cun autissem èn grondas. Ir enturn cun ils pertutgads è fitg grev e perquai datti paucas persunas che pon tgirar ils pazients. Savens dependa il destin da persunas cun autissem da confamigliars che emprovan da bajegiar structuras per els. Il maun public ha realisà ch'i duvrass dapli agid – agescha dentant betg proactiv.

audio
Per tadlar: Situaziun en il Grischun
ord Actualitad dals 04.10.2022.
laschar ir. Durada: 3 minutas 39 Secundas.

RTR Telesguard 17:40

Artitgels legids il pli savens