Siglir tar il cuntegn

Header

Navigaziun

Legenda: Tadlar il audio Bunura: Vaz decida davart credit dad 11 milliuns per chasa da scola. Durada 02:41 minutas.
02:41 min, Actualitad dals 23.04.2019.
cuntegn

Votaziun a Vaz La scola da Lai dovra spazi

La scola da Lai duess survegnir per 11 milliuns francs novas localitads. Il suveran da la vischnanca da Vaz decida ils 19 da matg davart il project sala da cultura.

Il cussegl communal da Vaz ha gia approvà il project ed il budget da 11,1 milliuns francs per in engrondiment da las localitads existentas. Per Aron Moser, il president communal, èn investiziuns en la scola adina ina buna decisiun: «La scola è in dals facturs che fa attractiv u betg in lieu», è el persvadì.

Il medem mument po vegnir construida ina nova aula che porscha plaz a 250 persunas. La necessitad saja dada, argumentescha Moser. Mintg'onn saja l'aula occupada cun radund 130 arranschaments. Il suveran da Vaz decida ils 19 da matg a l'urna.

RR actualitad 07:00