Siglir tar il cuntegn

Header

cuntegn

Grischun Central Vischnancas sustegnan Tambo SA

Las Pendicularas da Spleia Tambo SA èn en la crisa. Enfin uss han 10 da 12 vischnancas da la regiun Viamala decidì davart in sustegn finanzial. Ferrera sto anc decider ils 29 da quest mais e Casti-Vargistagn ils 12 da fanadur. En tut vai per ina summa da 800’000 francs.

audio
Bunura: Sanaziun finanziala da las Pendicularas da Spleia Tambo
ord Actualitad dals 27.06.2017.
laschar ir. Durada: 3 minutas 13 Secundas.

Enfin la fin da l’onn mancan a las Pendicularas da Spleia Tambo SA anc ulteriurs 900'000 francs per evitar in concurs. Sco quai che Ivo Frei, commember dal cussegl d’administraziun da las Pendicularas da Spleia Tambo SA ha ditg, dovria era daners da privats. Cun la crisa actuala da las pendicularas saja dentant fitg grev da chattar acziunaris che veglian gidar a sanar l'interpresa. Uschia saja il concurs anc adina pussaivel.

Nagin sustegn dal chantun

Per sustegn finanzial han las pendicularas era dumandà il chantun. Pajar debits vegls, quai na vul e po il chantun però betg. Sco quai ch’il cusseglier guvernativ Jon Domenic Parolini scriva en in e-mail ad RTR, haja il chantun naginas pussaivladads, da metter a disposiziun daners ad interpresas ch’hajan problems finanzials. A curta vista saja quai impussibel, da sustegnair las Pendicularas da Spleia. Il chantun saja però pront da sustegnair projects che procuran per novs letgs chauds en la regiun.

RR actualitad 07:00

Artitgels legids il pli savens