Vincent Augustin è atgnamain in teenager

Vincent Augustin, anteriur deputà cristiandemocratic ed anteriur president da la Lia Rumantscha, festivescha ses anniversari ils 29 da favrer - il di supplementar dals onns basests. El po atgnamain festegiar per propi mo mintga quatter onns. Quest onn fissi pia ses 15avel anniversari.

Vincent Augustin sesa vid ina maisa. En maun tegn el ina cuppina da gratulaziuns dad RTR. Davosvar èn da vesair trais maletgs malegiads cun ferm contrast.

Legenda da maletgs: Il «teenager» Vincent Augustin cun la cuppina dad RTR RTR, G. Gabriel


Il «teenager» Vincent Augustin

2:47 min, Total local dals 29.02.2016

Cura duess ins festegiar l’anniversari sche na betg a la data cura ch’ins è naschì? Questa dumonda sa tschenta a las persunas che han lur anniversari ils 28 da favrer en trais da quatter onns. Uschia era per Vincent Augustin. U forsa tuttina betg: Cura ch' els eran anc pitschens, na festegiavan ins anc betg propi l’anniversari.

«  Ils 28 da fevrer era memia baul ed il proxim di, igl emprem da mars, era mintgamai il Chalandamarz. »

Vincent Augustin

Realisà che la data da ses di da naschientscha è in zichel pli speziala, haja Vincent Augustin en scola primara. Pir lura haja el savì tge che quai muntia insumma ed haja pudì cumparegliar sia data da naschientscha cun quella dals auters.

«  Pli interessant che miu agen di da naschientscha era quel da miu frar giuven. El haveva numnadamein il medem di natalezi sco la tatta. »

Uss, sco creschì, festegia el per regla l’emprim da mars ses anniversari, uschia Vincent Augustin.

Quest onn festivescha Vincent Augustin ses 60avel anniversari sin pista. El è numnadamain en vacanzas da skis. "Cura ch' jeu tuornel, dat ei lu aunc ina buna tscheina cun l' entira famiglia."