Sco quai che Peter Keller ha ditg envers RTR, haja el sper sia lavur sco medi gia dapi intgins onns ina firma, che porscha scolaziuns cun chauns che tschertgan persunas sparidas.
Cun quai che la lavur sco instructur da chauns saja vegnida adina pli intensiva, na possia el en l’avegnir betg pli far omaduas professiuns, ed uschia haja el stuì sa decider per ina professiun.
Schliaziun intermediara
Fin la fin mars maina Peter Keller anc sia pratica ad Alvagni. Enfin che Harald Jung surpiglia la pratica entschatta fanadur, vegnia anc a dar ina soluziun intermediara cun ina media da la Bassa per ils mais avrigl, matg e zercladur. Harald Jung lavura il mument en il chantun Sviz en ina pratica communabla.
Situaziun suboptimala
Tenor il medi Peter Keller saja la situaziun da medis en Val d’Alvra suboptimala. Avant intgins onns haja quai anc dà trais praticas da medis en Val d’Alvra, tge che saja stà optimal.
Suenter che la chasa da medis da Casti n’è betg pli occupada, restan en Val d’Alvra las praticas d'Alvagni e Bravuogn. Che Peter Keller haja chattà in successur senza che la pratica stoppia vegnir serrada, saja in grond cas da fortuna e na saja insumma betg ina chaussa evidenta en ina regiun perifera.
Ord l'archiv
