Siglir tar il cuntegn

Header

Navigaziun

cuntegn

«Viamala Schlagernacht» Success per ultima ediziun

Cun 1'400 visitadras e visitaders è la 10avla ediziun da la «Viamala Schlagernacht» stada in success. Quai èn 300 persunas dapli che l’onn avant – ma tuttina va a fin l'istorgia da l'occurrenza da schlaghers cun l'ediziun da la sonda passada.

Ils organisaturs da la notg da schlagher èn cuntents cun il dumber da visitaders, uschia ch’i avess da resultar ina nulla naira, ha ditg Peter Bosshard, il president dal comité d’organisaziun.

Tuttina saja quai stada l'ultima ediziun da la «Viamala Schlagernacht». Sco raschun numnan ils organisaturs pretensiuns adina pli autas e la mancanza da sustegn finanzial da la vart dal chantun, uschia ch’i saja grev da cuvrir ils custs a lunga vista. Plinavant dettia adina dapli occurenzas da schlagher, che sa concurrenzeschian.

A la davosa ediziun da la notg da schlagher èn tranter auter sa preschentads Melissa Naschenweng, ils Scheidner Buaba, Marc Pircher ed il duo Fantasy.

RR novitads 12:00