Siglir tar il cuntegn
Inhalt

Grischun Central Via da Brinzauls resta serrada

Perquai che lozza è culada sur la via da Brinzauls, è quella vegnida serrada. Cunquai che la situaziun na saja betg sa megliurada resta la via serrada almain fin mesemna, communitgescha l’Uffizi da construcziun bassa.

L'aua che cullava normalmain en il rempar, ha tschertgà ina nova via.
Legenda: L'aua che cullava normalmain en il rempar, ha tschertgà ina nova via. Grafica RTR

La via tranter Lantsch e Brinzauls resta vinavant serrada per motivs da segirtad. Sco quai che l'uffizi da construcziun bassa e la polizia chantunala communitgeschan restia la via serrada fin almain mesemna. Lura vegn la situaziun giuditgada da nov.

Bova pitschna cun blera lozza

Il venderdi ils tschintg d'avust ha in sbuvaditsch cun blera lozza sutterrà la via suenter la blera plievgia. Sco quai che Elia Lardi da l’Uffizi da construcziun bassa ha ditg, stoppia il material dal sbuvaditsch da l’emna passada anc vegnir purtà davent da la spunda, e per far questas lavurs stoppia quai esser sitg.

L’aua d’in pitschen aualet aveva tschertgà ina nova via ed è cullada sur la via ora empè da sa fermar en il rempar (guarda grafica). La via tranter Lantsch è Brinzauls adina puspè serrada pervi da la crudada da crappa. In grond rempar protegia la via da la crudada da crappa.

RR novitads 10:00