Siglir tar il cuntegn

Header

Video
Vernissascha «Cudesch da fotografeias istoricas» Schons
Or da Telesguard dals 03.05.2019.
abspielen
cuntegn

Grischun Central Vernissascha «Cudesch da fotografeias istoricas» Schons

Il «Nov cudesch da Schons» è gia vegnì edì il 2016. Ed ussa datti ina cumplettaziun da quest cudesch cun dapli che 400 fotografias istoricas dals onns 1860 – 1960. Quella è vegnida preschentada a l'exposiziun MUMA ad Andeer.

Sut la guida da l'anteriur parsura da la Cuminanza culturala Val Schons, Christian Joos è vegnì stgaffi in’ovra cumplementara tar il «Cudesch da Schons» ch’è cumparì il december 2016. Las fotografias istoricas rimnadas en Schons eran uschè numerusas, ch’i fiss stà donn da laschar ellas en l’archiv, vegn Joos cità en ina communicaziun.

Da sanester: Christian Joos, Johann Clopath e Peter Michael.
Legenda: Da sanester: Christian Joos, Johann Clopath e Peter Michael. RTR, Federico Belotti

Uschia saja naschida l’idea d’edir 404 da quellas fotografias. Ils diesch chapitels tractan ils temas vallada, occurrenzas, famiglias, uniuns, agricultura, mastergnanza, traffic ed auters. Il cudesch è scrit surtut en tudestg, ma ils auturs han era dà spazi al rumantsch, sumegliant sco en il «Cudesch da Schons».

Telesguard 17:40