Vaz - Suveran decida davart center da seniors

La populaziun da Vaz/Obervaz po s'exprimer gist davart trais dumondas.

1. I va per la dumonda da bajegiar in nov center da seniors sper la chasa da tgira actuala che porscha 35 plazs – na correspunda dentant betg pli als basegns d'ozendi. Tar in Gea planisescha la suprastanza ils detagls e preschenta il project danovamain a l'urna.
2. La suprastanza vul savair sch'igl è giavischà en quest nov center da seniors er spazi per stizuns che porschan en emprima lingia victualias.
3. Duai esser pussaivel da realisar centers da cumpra da passa 700 meters quadrat en l'avegnir, saja en il center da seniors ubain en auters lieus. Questa dumonda propona il parlament communal da refusar.

Tgi maina il nov center da seniors?

Sch’il suveran da Vaz beneventa la construcziun d’in nov center da seniors, vegn la suprastanza ad elavurar in concept per tgi che pudess construir e manar il nov center da seniors. Davart quests detagls duai vegnir votà l’auter onn. En questa votaziun duai era vegnir decidì sche la chasa existenta da vegls e da tgira Parc, duai vegnir reutilisada. Pussaivel fissi da far ordlonder emprimas abitaziuns u abitaziuns per seniors, scriva la suprastanza da Vaz en il messadi da votaziun.

Legenda: Uschia pudess quai vesair ora en l'avegnir: La chasa da vegls actuala pudess vegnir mantegnida e transfumrada en ina chasa cun abitaziuns. mad